About Us

ملک ہندوستان کا اسلام اور مسلمانوں کے لئے بڑی اعلی درجے کی خدمات ہے، اور یہ وہ ملک ہے جس نےمغلیہ دور حکومت سے لے کر آج تک بڑی بڑی یونیورسٹیاں اور اسلامی مدارس قائم کئے ۔حالانکہ دشمنان اسلام کی سرکشیاں حد سے متجاوز ہو چکی تھی،جنہوں نے اسلامی عبادت گاہوں کو ختم کرکے اور مسلمانوں کے بچوں ،بوڑھوں اور عورتوں کو قتل کرکے ان کے گھروں کو جلا کر اسلام اورمسلمانوں کی بگڑی ہوئی شکل پیش کرکے نیست و نابود کر دیا تھا۔ دشمنان اسلام کی طرف سے دین ورسالت کے خاتمے کے سلسلے میں پیش آنے والے ان چیلنجوں کے باوجود انہوں نے ایسے دین کے سلسلے میں جوکیا تھا وہ انسانیت کے لئے نعمت عظمیٰ اور اسوۂحسنہ کی حیثیت رکھتا ہے اور کفروضلالت کی تاریکیوں میں روشنی کا کام کرتا ہے ۔لیکن مسلمان برابر مختلف طریقوں سے اسلام کی نشرواشاعت میں لگے رہے ،کتابوں کی تصنیف، مناظرہ اور اسلامی عربی مدارس کا قیام مد نظر رہا ،جس نے بے شمار علماء ،حفاظ، قراء اور ادباء کو جنم دیا ،جنہوں نے اپنی عمدہ قلم اور پختہ علمی صلاحیت کو کام میں لا کر اسلام اور مسلمانوں کی خدمت کی اور عرب و عجم میں مقبولیت حاصل کی۔ جامعہ خدیجۃ الکبری ہندو نیپال کی سرحد پر علوم اسلامی کاعظیم مرکزا وررشدوہدایت کی تحریک بن کر دین و شریعت کی خدمت انجام دے رہا ہے۔ اس ادارے کی شدت سے ضرورت اس لئے محسوس ہوئی کہ اس کے گردونواح میں جہالت و قادیانیت کا دور دورہ تھا ،ہر طرف بدعات وخرافات کی زہریلی فضا عام تھی، کافی دور تک کوئی ایسا ادارہ نہیں تھا جو خالص روحانیت کا سرچشمہ اور اہلسنت والجماعت کا ترجمان ہو اور تعلیم و افادیت کا نگہبان ہو ۔خصوصًا یتیم بچوں کی تربیت اور ان کے مستقبل کو سنوار نے، انہیں اچھے اخلاق اور اعلیٰ تعلیم کے اعتبار سے یہ ادارہ جداگانہ حیثیت رکھتا ہے، اگر کچھ ادارے تھے اور ہیں بھی تو وہ حکومت کے زیر اثر ہیں اور روحانیت و تقدس سے یکسر محروم ہیں۔ شہر نرکٹیاگنج تجارت کے میدان اور شکر (چینی )کی پیداوار میں مشہور ہے ،چونکہ قریب کی بستیوں کے باشندگان گنے کی کھیتی کرتے ہیں اور اس علاقے میں گنے کی فیکٹریاں بھی پائی جاتی ہیں۔مسلم آبادی اس شہر میں 15 فیصد ہےاور مسلمانوں کی تعلیم بھی کمزور ہے ،خاص طور پر علوم دینیہ ۔چونکہ یہ شہر ہندوستان کے مختلف شہروں سے الگ ہے اور اس کی وجہ سے اسلامی ادارے کا لعدم ہیں ،جو بچوں اور بچیوں کی رہنمائی کر سکیں۔ ہندوستان میں دشمنان اسلام کی طرف سے ہمارے مسلمان بھائیوں کو جوتنگیاں اور چیلنجوں کا سامنا کرنا پڑ رہا ہے ،وہ کوئی ڈھکی چھپی بات نہیں ہے، جس کا تذکرہ پہلے بھی ہو چکا ہے ۔مسلمانوں کی اقتصادی اور مالی حالات بہتر نہیں ہیں جو ادارے کی ضروریات کو پوری کر سکیں اور اشاعت دین واسلام کی فریضہ کو ادا کر سکیں۔ لہذا جامعہ اپنے مخلصوںاور ہمدردوں سے اصلاح معاشرہ ،حقوق نسواں ،دعوت و تبلیغ اور تحریک پیام انسانیت کے میدان میں دل کھول کر حصہ لینے اور ان کے لئے دعا کرنے کی اپیل کرتا ہے۔ .

ہماری مہارت